После 23 години работење и делување во просториите на ул. 11 Октомври бр. 118 во Скопје Државниот пазарен инспекторат од денес се пресели на нова локација на ул. Луј Пастер бр.1 спрат 2 и 3.

Од осамостојувањето на Р. Македонија, за прв пат Инспекторатот добива свои сопствени простории за што благодарноста оди до Владата на Република Македонија која покажа разбирање за тешките услови во кои досега работеше Инспекторатот.

Самиот чин на започнување со работа во новите простории беше одбележан во присуство на претставници на Владата на Република Македонија, на локалната самоуправа и на други институции за што сме посебно благодарни. Веруваме дека сета подршка што ја добива Инспекторатот ќе ја оправда со својата транспарентна и неселективна работа во служба на сите граѓани на Република Македонија.