Во рамките на делокругот на активностите на Државниот пазарен инспекторат во наредниот временски период ќе се интензивираат контролите на правни и физички лица кои вршат угостителска и туристичка дејност согласно Законот за угостителска дејност и Законот за туристичка дејност, и тоа:
1. Угостителски објекти
Без разлика на видот на угостителскскиот објект, посебен акцент во контролата ќе биде ставен на придржување на пропишаното работното време во ноќнки барови, кабаре, дискоклуб и дискоклуб на отворен простор, контрола на лиценците, како и контрола на одобренијата за вршење дејност надвор пред деловниот објект.
Поради висината на глобите и можните несакани последици во делот на управната постапка, односно затварање на угостителските објекти ги замолуваме вршителите на угостителска дејност да се придржуваат кон законските обврски од Законот за вршење на угостителска дејност.
Доколку граѓаните воочат било какви неправилности истите можат да ги пријават во Државниот пазарен инспекторат по електронски пат или во писмена форма.
2. Туристички Агенции
Предмет на надзорот кај туристичките агенции е поседување на лиценци за вршење на туристичка дејност, придржување на правата и обврските кај агенциите, придржување на елементи на договорите, издавање на туристички ваучери, должност на имање на туристички придружник при организирање на туристичка група.
Во таа насока Државниот пазарен инспекторат ги повикува сите корисници на туристички услуги во Република Македонија при при секое туристичко патување да внимаваат на следново :
- при потпишување на договорите со туристичката агенција да проверат дали истата поседува лиценца за вршење на туристичка дејност
- да добие туристички ваучер за патувањето.
- да добие туристички водич за патувањето, во случајот кога се користи аранжман надвор од државата
- внимателно да го прочита договорот
Доколку корисниците на туристичките пакети не се задоволни од користената услуга можат своите права да ги побараат во писмена форма или во електронска форма до Државниот пазарен инспекторат.
