Државниот пазарен инспекторат во периодот од 20.12.2021 до 02.01.2022 година има извршено вкупно 768 инспекциски надзори и 1331 контроли на целата територија на Република Северна Македонија.
Во овој временски период изречени се 68 прекршочни пријави од кои 66 пријави се по однос на Закон за финанскиска дисциплина и две пријави по Закон за заштита на населението од заразни болести. Државниот пазарен инспекторат издал вкупно 149 решенија, од кои 122 решенија по Закон за финснсиска дисциплина, а останатите решенија се по однос на други закони кои се во надлежност на ДПИ.
Државниот пазарен инспекторат од 20.12.2021 до 26.12.2021 година има извршено вкупно 62 инспекциски надзори на целата територија на Република Северна Македонија, а кои се во врска со Одлуката за определување на највисоки цени на одделни производи во трговијата на мало и трговијата на големо – објавена на Службен Весник на Република Северна Македонија бр 270/21 и Законот за управување со пакување и отпад од пакување.
Во периодот од 20.12.2021 до 02.01.2022 година Државниот пазарен инспекторат има извршено вкупно 350 контроли и составено 33 записници за извршени инспекциски надзори на целата територија на Република Северна Македонија, а кои се врз основа на мерките на Владата на РСМ донесени поради превенција од корона вирусот.
Од одделение за инспекциски надзор Штип донесено е 1 решение по закон за заштита на населението од заразни болести, времено затворање на угостителски објект од 10 дена, поради непочитување на протоколите од ковид 19 (затворен на 25.12.2021).
Со измените и дополнувањата на Законот за трговија, кој регулира дел од прашањата за работата на трговски субјекти, во текот на 02.01.2022 година (недела), од страна на Државниот пазарен инспекторат беа вршени контроли. Државните пазарни инспектори беа излезени на терен превентивно, за да се скенира состојбата и не се констатирани неправилности.
Издадени се вкупно 98 прекршочни платни налози за сторен прекршок и утврдена глоба во истите во зависност од големината на правниот субјект.
