Од страна на Државниот пазарен инспекторат во периодот 03 - 05.01.2023 година извршени се 210 инспекциски надзори кај трговци на големо и трговци на мало, по однос на Одлуката за посебни услови за трговија на одделни стоки (“Службен весник на Република Северна Македонија” број 135/22....217/22). При направените инспекциски надзори утврдена е фактичка состојба на забележување на тренд на намалување на цената на:  сончогледовото масло за јадење односно од 15-25 денари намалување за 1 литар, бел леб до 5 денари и бел шеќер од 3 -  5 денари.

Извршени се инспекциски надозри на територијата на Република Северна Македонија и констатирани се четири неправилности и тоа три по Закон за трговија и еден по Закон за заштита на потрошувачите, во Скопје и Охрид и за истите се издадени прекршочни платни налози. Во поголемиот дел од контролите констатирано е дека Одлуката за посебни услови за трговија на одделни стоки (“Службен весник на Република Северна Македонија” број 135/22....217/22) се почитува, односно маржата на прехранбените производи се движи од 5 до 10% и истата е во согласност со Одлуката.

Напоменуваме дека Државниот пазарен инспекторат и понатаму врши засилени контроли, како по однос на постапување на наведената Одлука, така и по другите законски прописи.