Во рамките на „Регионалниот проект за надзор на пазарот“ на 7 и 8 Април во Скопје се одржа регионална работилница, семинар за соработка меѓу претставници на пазарните и царинските органи.

Настанот беше организиран со цел зголемување на свеста и зајакнување на соработката меѓу институциите одговорни за надзор на пазарот, т.е меѓу пазарниот инспекторат и царинските органи и преку заедничка дискусија и презентација од меѓународните експерти се дискутира за имплементација на европската регулатива од оваа област.(Регулатива 765:2008).

Оваа работилница е дел од тековниот проект „Регионалниот проект за надзор на пазарот“ во рамките на Отворениот Регионален Фонд за Трговска Промоција, имплементиран од ГИЗ (Deutsche Gesellschaft fuer Internationale Zusammenarbeit) и финансиран од Федералното министерство за економска соработка и развој на Германија.

На работилницата присуствуваа повеќе од 15 претставници од пазарните инспекторати и царински органи од Албанија, Босна и Херцеговина, Македонија, Црна Гора, Косово и Србија каде што имаа можност да презентираат и дискутираат за најдобрите практики за тоа како да се организираат и како да се подобри нивната соработка.