Во рамки на проектот "Зајакнување на внатрешниот пазар", се изврши презентација на "Стратегија и препораки за реорганизација на работата во Државниот пазарен инспекторат". Оваа стратегија ќе помогне,  во подобрувањето на работата на инспекторатот, а потоа доближување, па и целосна имплементација на регулативите на Европската Унија од оваа област.

Стратегијата има зa цел да го подобри усогласувањето на националната правна рамка  на внатрешниот пазар на Република Северна Македонија со правната регулатива на Европската Унија. Примарниот фокус е слободното движење на стоки и услуги, заштита на правата на потрошувачите и подобрување на регулативата за деловните-бизнис функции. Понатаму, вклучува мерки за градење капацитети чија цел е доследно спроведување на законите и подобрување на новите воспоставени процеси и структури.

Оваа стратегија ќе ги зајакне капацитетите на пазарниот инспекторат за понатамошно усогласување со правото на Европската Унија во областа на слободното движење на стоки и услуги и ќе го зајакне надзорот на пазарот за заштита на правата на потрошувачите, а ќе биде воспоставена и подобра регулатива за функционирање на компаниите.

Со реализација на активностите предвидени во стратегијата ќе се подобри надзорот на пазарот преку функционална реорганизација на Државниот пазарен инспекторат, надградба на методологијата за надзор, воведување нови алатки за олеснување на работата на пазарните инспектори, зајакнување на координацијата и методолошка синхронизација меѓу различните субјекти за надзор на пазарот.

Со цел да може ова да се спроведе, беше ангажирана  ескепртката Андрејка Грлиќ, која придонесе за целосно создавање на стратегијата. Преку спроведени интервјуа со вработените во пазарниот инспкеторат се мапираше моменталната состојба во институцијата, а понатаму, ќе се воведат позитивни промени преземени од пракитките на регулативите од Европската Унија.

Оваа стратегија значи и подобрување на капацитетот за контрола на безбедноста на производите на националниот пазар, пазарните инспектори да развијат вештини за спроведување на надзор на пазарот за е-трговија, и пазарот за стоки и услуги, подобрување на внатрешната оперативна ефикасност на пазарниот инспекторат со користење на дигитализиран систем за управување со документи, како и подобрување на капацитетот за ефективен и ефикасен надзор на пазарот и заштита на потрошувачите.