Денес, директорот на пазарниот инспекторат Горан Трајковски, заедно со премиерот на Владата Димитар Ковачевски и министерот за економија, Крешник Бектеши, беше во посета на компанијата „Алма – М“ – дистрибутивен центар во Визбегово.

„Благодарам на компанијата Алма – М за гостопримството и драго ми е што има општествено одговорни компании кои работат и во интерес на граѓаните, но и во исто време доследно ги почитуваат законските обврски. И овие компании треба да им бидат пример и на останатите трговци.“ – изјави Трајковски

Пазарниот инспекторат од донесувањето на Одлуката до сега изврши над 300 надзори по Одлуката на цела територија на Македонија и има прекршувања за што се издадени прекршочни платни налози во вредност од над 4.500.000 милиони денари. Затворени се и казнети поголеми ланци на маркети во Скопје, Струга и Кичево.

Следуваат засилени контроли и кај добавувачите и Државниот пазарен инспекторат ќе проверува дали доставуваат во маркетите 70% од количината на производите опфатени во Одлуката, што ја доставувале во месец август оваа година.

“Нема да има отстапување, ќе се постапува без селекција и секој трговец има обврска да ја почитува оваа Одлука. Апелирам до трговците да ги усогласат цените со Одлуката, а добавувачите да го почитуваат делот каде треба да се доставува 70% од производите.

Нашата цел како институција не е само да пишуваме казни, туку повикувам на соработка со сите општествено одговорни компании затоа што само сите заедно можеме да ја направиме држвата подобро место за живеење. Им се заблагодарувам на сите трговци кои ја почитуваат Одлуката која е во интерес на граѓаните, но исто така им се заблагодарувам и на граѓаните кои ни помагаат во нашата работа преку пријавите кои пристигнуваат на 02/191.“ – потенцираше во изјавата директорот Горан Трајковски.